Zoram siam\hat nan Political Party kalphung siam\hat

Tunlai hian Zofate rilruah kan sawrkar kalphung siam\hat duhna rilru lian tak mai a awm niin a lang a. Chumi vang chu a ni ang e Tunlai inthlan boruak vela kan \awngkam hriat lar leh \awngkam sawi hlawh tak pawh Zoram thar tih te, Change tih te, kalphung thar tih te leh Zoram Siam\hat tih te hi a ni awm e. A nawlpui hian kan zoram Sawrkar kalphungah hian siam\hat ngai a awm nia ngaihna hi a awm tlat niin a lang a. Chumi avang chuan Political Party-te hian mipui rilru lak nan heng \awngkam te hi an rawn chher chhuak ta a ni a tih theih awm e. Political Party-ten Zoram an siam\hat tum dan sawi nana \awngkam mawi leh \awngkam \ha tak tak an hman a, Zoram kalphung siam \ha tura \an an lak mek lai hian, siam\hat tumtu Political Party-te kalphung hi siam \hat hmasak phawt hi a \ul em? Political Party-te hi insiam \ha hmasa ta phawt se Zoram kalphung hi a kal fuh mai loving maw? Democracy takin Political Party-te hi kal ta se kan ramah hian rah \ha a chhuah mai loving maw? I ngaihtuah chhunzawm dawn teh ang.
Vairam Party leh Sapram Party kalphung Mizoramah hian Vairam Political Party kalphungin kan kal ta mah mah em le? Vairam Party kalphung a kan hmuh tam tak, inthlan a Party chak pui thei miah lo leh Mipuiin an duh lo a ni tih hre chunga hruaitu inthlak hleih theih miah loh te, Party hruaitu inthlan \hat theih miah loh te leh Party hruaitu nihna chhungkua anga in rochun deuh ti tih te hi Party kalphung \ha a ni lo a ni tih kan hre \heuh awm e. Heng Vairama Political Party kalphunga thil \ha lo tak tak, Demaocracy lo em em mai hi Mizorama Party kalphungah hian kan hmu ve ta nual lo maw? Sapram Party kalphung pawh kan hre vek mai. USA President inthlang tur, Republican leh Democrat-ten a an Party aiawh a President chuh tur an thlan chhuah dan fair leh Democracy dan kan hre vek. Party pahnih candidate tling lo zawk tan ram hruainaah chance a awm leh mang tawh lo anih hi mawle. UK-a sawrkarna siam lo Party hruaituten a chak loh mawhphurhnaa laa an ban \hin dan leh, thianghlim leh Democracy taka Party hruaitu an thlan \hin dan pawh kan hria a ni. ( Kum -ah phei chuan --- Party-ah Unau an in khing anih kha mawle. An Party hruaitu thlan dan a thianghlim awm khawp mai)
Political Party Kalphung thar Mizoramah Mizorama Political Party-te pawh hian Kalphung thara kan in hruai ve hi a \ha tawh lo maw le? Tuna Party kalphung Vairam kaphung ang hi banin Saprama Party kalphung ang hian kal ve the i la Zoram tan hian a \hat a rinawm viau a ni. Hruaitute pawhin ka theih tak emaw tia peih chin chin leh nuam tih chin chin in kaihhruai tum lovin, kan hnuaia mite tan hmun kian thiam i la. Chu chu hruaitu \ha leh ropuizia a ni tih pawh hre ta bawk i laa \ha ngawt mai. Kum 2013 inthlanah pawh hian a tling leh tling Party kana wm leh ngei dawn, a tling Party hruaitute chuan an mawhphurhnaah la ngamin bang ngam ta se. (Heihi an awmna Party an hmangaih tak tak anih chuan an tih ngei tur pawh a ni awm e). Thianghlim leh Democracy takin Party hruaitute han thlang thar thei se, chu Party kalphung thar chu an Party tan a \ha ngawt ang le.
Thianghlim leh Democracy taka Party Hruaitu thlan Thianghlim leh Democracy taka Party hruaitu thlan hian Political Party a inthlang a te tan chauh hlawkna a ni dawn lova Zoram kalphung siam\ha tu pawimawh tak a nih theih ngei a rinawm a ni.