Mga Tanong: 1. Ano po ang masasabi ninyo sa deklarasyon ng Pangulong Marccos na isailalim ang bansa sa Batas Militar?
Sagot:
“Noong ideneklara ni Pangulong Marcos na mapapasailalim ang Pilipinas sa Batas Militar, karamihan sa amin noong mga panahon na iyon ay nagulat at nagtaka. Bata pa ako noon ha, nasa elementarya pa lang ako, naaalala ko nga iyong kapag may madaming dadaan na sasakyan na lumilibot sa buong lugar naming—sa curfew, diba? Tatakbo ako agad sa likod ng Inang ko at magtatago at bukod pa dito maaga kaming umuuwi at nagsasara n gaming bahay. Masasabi ko na pagmamalabis at pagkamaka- sakim sa kapangyarihan ng pamahalaan ang nangyari, sinabi din niya ipinatupad niya ito upang proteksyionan ang demokrasya ditto sa Pilipinas, pero kabaliktaran ang nangyari.” 2. Paano ninyo ilalarawan ang bansa sa panahong ito?
Sagot:
“Ang bansa noon? Makikita mo ang daming posters at mga vandalism sa mga poste at pader na nagsasabi ng reaksiyon ng mga mamamayan nang ipatupad ito. Magulo. . .magulo at wala nang halos kalayaan ang sambayanang Pilipino. Dati kaya halos iisa lang ang channel kung minsan mapa telebisyon at radyo man, lahat ng sinasabi ay pawang pang Marcos lang, dahil nga sa nilimitahan at kinontrol ang media noon. Pati curfew, at kaliwa’t kanan na rallies at pagbobomba.” 3. Nakaranas din ba kayo o ang inyong pamilya ng kalupitan sa panahong ito? Ikwento.
Sagot:
“Ammm. . . hindi naman, kasi noong panahon na iyon Ining, ay nasa Tagum, Davao kami noon, kaya malayo dito mismo sa Maynila na karumaldumal ang pangyayari, pero alam kong may pamilya din na sinubok nito, katulad nalang nito yung mga anak ng mga pamilya na nahuli dahil sa curfew, atsaka noong mga panahon na iyon takot ang nangingibaw sa Pilipino.” 4. Kung makakausap mo si Pangulong Marcos anong gusto mong sabihin sa kanya. Bakit?
Sagot:
“Naku, sasabihin ko sa kanya na siya ay mapagsamantala sa kapangyarihan, sasabihin ko din na ‘di tuwiran ang pagpapatupad nito at sana irebesa ito para sa ikabubuti ng lahat, para matigil na ang rallies, aktibista atbp. na kumokontra laban sa pamahalaan.” 5. Sa pangkalahatan, ano ang natutuhan ng mga Pilipino sa Martial Law? Konklusyon.
Sagot:
“Noong panahon na yaon may epektong mabuti at nakasama sa ating bansa, ang mabuti maraming natupad na proyekto si Marcos gaya ng kalsada, tulay atbp, sa kabilang banda naman iyong masamang epekto gaya ng krisis sa ekonomiya, mga krimen. . .at madami pa. Pero noong mga panahon na iyon parang mas pinatatag at sumibol ang pagka Nasyonalismo at sa kagustuhan ng mga Pilipino na ipaglaban ang kalayaan, karapatan at pagka-demokratiko naganap ang People’s Power sa EDSA. Para sa akin ang pagkakaisa ang nag- udyok para maitigil at mawala sa puwesto si dating Pangulong Marcos na nagpatupad ng Batas Militar.”