6 lalaki nailad sa illegal recruiter
Ni Maricel P. Pamisa
UNOM ka mga lalaki ang nailad sa illegal recruiter ug gipatrabaho nga walay sweldo didto sa dakbayan sa Marawi.
Si Roel Paraiso, 23, ulitawo nga taga dakbayan sa Davao, uban sa laing lima ka mga lalaki ang gi-recruit sa usa ka Ashnar Palawan sa Marilog District, Davao City.
Giingong Hunyo 18 nipasalig si Palawan nga dad-on sa Cebu ang mga biktima alang sa usa ka trabaho sa construction ug dunay maayong sweldo.
Apan nakurat na lang ang mga biktima nga gidala sila sa Marawi City ug gipatrabaho sa usa ka bodega nga galingan og mais. Dihang mihangyo ang mga biktima nga mag-cash advance ngadto sa ilang agalon nga nailang Panli, gibalibaran sila niini ug niingon nga gikuha na ni Palawan ang ilang sweldo.
Tungod niini, nakahunahuna ang mga biktima nga molayas ug niadtong Sabado, nangayo sila og tabang mga makabalik sa Davao.
Matud ni Paraiso nga ang iyang lima ka mga kauban natabangan sa usa ka public service sa usa ka sibyaan nga makasakay sa bus pinaagi sa passes.
Samtang si Paraiso nahatagan usab og passes sa bus aron makapalayo sa maong dapit.
Ang lima ka mga biktima midangop sa Police Station 5 (PS5) sa Poblacion sa Iligan City ug nakasakay sa rural transit ug giduso sa Police Station 7 sa Bulua, siyudad sa Cagayan de Oro, dayon gi-refer sa Police Station 3 sa Agora.
Nanawagan ang biktima nga bisan aduna lang siyay P500 nga kwarta igo na kini makapauli sa ila.
My timeline
Welcome!!!
April Joy Salesi Gevero
