Ang Buhay ng Isang Bayani Kagaya ng karamihang Pilipino, ipinakilala si Rizal sa kin noo’y ako ay bata pa lamang, sabalit para sa akin, na marahil ay gaya rin sa lahat, si Rizal ay nanatili lamang bilang isang pangalan. Sa eskwelahan, si Rizal ay ang bayaning lumaban sa mga Kastila gamit ang kanyang talino imbis na lumaban gamit ang mga sandata (sa madugong paraan). Ilang daang taon na ang nakalipas mula noong pinatay si Rizal, makikita pa rin sa mga Pilipino na buhay na buhay pa rin siya sa ating puso at damdamin. Bawat isa sa atin ay mayroong nalalaman tungkol sa kanya. Subalit alam nga ba talaga natin ang buo at totoong kwento ng ating kinikilalang pambansang bayani na nagligtas sa atin sa ilalim ng pananakop ng mga Espanyol? Base sa pinanunod naming palabas, Ang Buhay ng Isang Bayani, nakaraang Martes, marami akong natutunang mga bagong kaalaman tungkol kay Rizal. Marami akong naunawaang bagay hindi lamang iyong mga may kinalaman sa mga ginawa ni Rizal ngunit pati na rin sa sambayanang Pilipino. Namulat ako sa mas detalyadong buhay na pinagdaanan ni Jose Rizal. Tunay ngang kay hirap ng kanyang pinagdaanan, mula sa kanyang simpleng buhay sa probinsya patungo sa napakomplikadong estado o sitwasyon sa kulungan. Ngunit tulad ng isang pruparo, naging makulay ang kinahantungan ng kanyang buhay. Marami siyang kinailangang isakripisyo upang makapag-aral ng mga iba’t ibang kurso. Kinakailangan niyang iwanan ang kanyang pamilya at maglakbay patungo sa kabilang dako ng mundo. Subalit sa kabila ng mga ito, nakatagpo naman siya ng mga kaibigang tunay gaya ni Blumentritt. Pinakita ng pelikula si Rizal bilang isang matalinong tao, manunulat, duktor, pintor, kaibigan, kapatid at anak. Nagbibigay tuloy ito ng mayamang katangian sa karakter na si Rizal. Tandaan natin na si Rizal ay ang ating pambansang bayani at hindi isang pangalan lamang upang ikabit sa mga bagay-bagay. Inaamin ko noong una, inakala ko na ito ang magiging ika-limang beses kong papanoorin ang pelikula na ginampanan ni Cesar Montano. Ngunit hindi pala, ang pelikulang ito ay iba. Puno’t dulong tinalakay ng pelikula ang buhay ni Rizal. Sa kagitnaan, medyo tinamad na akong making dahil nagiging boring n ang palabas at sumasakit na ang kamay ko sa pagsusulat. Pero pag dating sa dulo, nakuha muli ng pelikula ang aking atensyon. Hindi ko rin alam kung bakit pero ang dahilan siguro ay napupunta na sa climax ng palabas—ang pagpapatay kay Rizal ng firing squad.