RH BILL: KABUTIHA O KASAMAAN? Isinusulong ngayon ang RH Bill o mas kilala sa tawag na Reproductive Health Bill. Dahil naniniwala ang mga nagsusulong nito na overpopulated na daw ang Pilipinas, at mas madami daw ang ipinapanganak araw-araw kaysa sa mga namamatay. Ang totoo n’yan nagsisiksikan lang naman talaga ang mga Pilipino sa iisang lugar upang doon magtrabaho o di kaya’y mag-aral. Tulad sa Maynila, dahil sa madaming trabaho at mas magagandang paaralan doon, kaya naman ang mga pobreng promdi ay lumuluwas pa-Maynila. Ngunit inaakala lang nila na mas mapapaganda ang buhay sa Maynila. Dahil sa pagluwas ng maraming probinsyano, naiipon sila at nagsisimula ang mga squatters’ area. Kapag dinemolish ang bahay nila sila pa ang magagalit.

Kailangan na din daw na mabawasan ang paggawa ng bata ng mga Pilipino, ayon sa mga nagsusulong ng RH Bill. Noong minsan nga kaming nagpunta sa Tondo upang dalawin ang namayapa kong Lola, may narinig ako na tinawag ang isang lalaki na “factory ng bata”. Napansin ko na maraming mga batang nagkalat doon na naglalaro sa kalsada at nanlilimahid sa dumi, itong mga magulang naman ay walang pakialam sa kanilang mga anak kung ito man ay masagasaan. Minsan nga napagisip-isip ko na may mga batang napagkakaitan ng edukasyon. Meron nga diyang mga bata sa kalsada na nanghihingi ng pera at maaaring sa kanilang paglaki ay maging snatcher o di kaya naman ay magnanakaw. Maraming salamat sa mga nanay d’yan na imbes na magtino at magtrabaho ay buong araw na nagto-tong-its o di kaya’y naglalaro ng bingo. Imbes na pangkain na nga ng kanyang pamilya ay nauubos pa sa kanyang walang kuwentang libangan. Habang ang kanyang mga anak ay pinababayaang maglaro sa kalsada at nanlilimahid sa dumi. Ang tatay naman ay may isang pedicab driver o di kaya naman ay mangangalakal ng basura, at kung hindi namamasada o nangangalakal, tambay sa kanto at laklak maghapon. Paano nalang kaya nila mabibigyan ng sapat na pangangailangan tulad ng pagkain at edukasyon ang kanilang mga anak kung sila ay isang kahig isang tuka. Ganyan ang maaaring mangyari at maaaring lumala pa kung hindi pa maipapasa ang RH Bill sa Pilipinas. Pwede din naming umunti at makontrol ang populasyon ng Pilipinas. Sa pamamagitan ng RH Bill. Sa survey nga ng SWS o Social Weather Stations, lumabas na 71% ng mga Pilipino ang payag sa RH Bill. Sa kabilang banda ang CBCP o Catholic Bishops’ Council of the Philippines ay tutol parin sa Reproductive Health Bill. Dahil ito daw ay “hindi kagandahang asal”. Ayon naman kay CBCP Office of the Mass Media Director Msgr. Pedro Quitorio III ang mga taong bumoto para maisabatas ang RH Bill ay maaaring ituring na na “kasabwat sa moral na kasalanan.” Ang sabi naman ni Manila Archbishop Gaudencio Cardinal Rosales ang mga sumusuporta sa Reproductive Health Bill ay ligaw ang moralidad at tila walang konsensya. Ngunit ang Santo Papa ay pumayag na gumamit ng contraceptives tulad ng condom at IUD o intrauterine device sa mga ilang kaso lamang. Tulad ng mga lalaking prostitute, upang maiwasan ang pagkalat ng mga sakit. Ilan sa mga sakit na ito ay ang HIV o “human immunodeficiency virus” at AIDS o “acquired immune deficiency syndrome”. Isa pa sa mga layunin nito ay ang sex education, ito ay ituturo simula ika-limang baitang sa mababang paaralan hanggang ikaapat na taon sa mataas na paaralan upang maiwasan ang maagang pagbubuntis. Kung ako naman ay iyong tatanungin, hindi ako payag sa Reproductive Health Bill.