Ang Paglalakbay ni Dr. Jose Rizal

Bitbit ang layunin niyang turuan ng leksiyon ang mga espanyol at ipaglaban ang kanyang inang bayan, tumungo si Jose sa Europa upang ipagpatuloy doon ang pag-aaral niya ng Medisina matapos ang kinuhang pre-med sa Unibersidad ng Santo Tomas. Sa pangunguna ng kangyang kapatid na sina Saturnina at Paciano ay pinahintulutan si Jose ng kanyang mga magulang na maglakbay mag-isa para sa kanyang pag-aaral bagamat lingid ito sa kaalaman ng kanyang unang iniibig na sa Leonor Rivera pagkat batid ni Jose na di ito sasang-ayon sa kanyang pag-alis. Tanging ang pagmamahal lamang niya sa kanyang bansa at ang kanyang pagkauhaw sa kaalaman ang matibay na sandigan ni Jose sa kanyang paglalakbay. * Singapore
Lulan ng barkong Salvadora ay tinungo ni Jose ang unang destinasyon, ang Singapore. Dito ay nakadama siya ng di pagkakomportable sapagkat siya lamang ang nag-iisang Pilipino at walang kakilala sa lahat ng mga pasahero ng barko. Sa kanyang paglalakbay sa Singapore ay lubha siyang humanga sa ganda ng tanawin dito at mga magagarang istruktura na ayon sa kanya ay maaaring maikumpara sa mga gusali sa Maynila. * Kanal Suez
Samantala ang barkong sinasakyan ni Jose ay dumaan rin sa Suez Canal at sa kanyang pagtahak dito ay namangha muli siya sa kanyang mga nakita tulad na lamang ng Kamelyo sapagkat ito ang unang pagkakataon na makakita siya ng ganoong hayop dahil mga kabayo’t kalabaw lamang ang madalas niyang makita sa Pilipinas. * Espanya
Tumulak na si Jose patungong Barcelona at sa wakas ay nakaramdam din si Jose ng pagiging “At Home” kung tawagin nila dahil dito ay sinalubong siya ng kanyang mga kaibigan at nag-daos pan ng isang salu-salo para sa kanyang pagdating. Una niyang pinuntahan ang château de if kung saan napiit ang paborito niyang tauhan na si Dantes, bida sa kanyang paboritong libro noong nasa Ateneo de Municipal Manila pa siya, ang The Count of Monte Cristo.
Samantala, habang nasa Barcelona siya ay sinumulan niyang isulat ang Noli Me Tangere, ang librong patama niya sa mga Prayle na naghahahri-harian noong panahon niya. Dito rin ay isinulat niya ang ‘Amor Patrio’ gamit ang ngalang Laong Laan para sa Diariong Tagalog na pahayagan sa Pilipinas. Sinalin naman ito sa tagalog ni Marcelo H. Del pilar. Ang artikulo na Amor Patrio ay nagpapatungkol sa inang bayan ni Jose, ang labis niyang pagmamahal dito, ang magagandang tanawin na matatagpuan dito, ang uri ng comunidad mayroon ito at simpleng pamumuhay mayroon ang mga tao rito at higit sa lahat ay ang matimyas na pag-ibig ng bawat Pilipino para sa Pilipinas.
Sa Unibersidad Central de Madrid naman napiling tapusin ni Jose ang kanyang pag-aaral ng Medisina at Pilosopiya. Nagsusulat din siya ng mga akda para sa kanyang paaralan. * Alemanya
Matapos naman ang madugong pag-aaral ni Jose ng Medisina sa Unibersidad Central de Madrid ay ipinagpatuloy naman niya ang pag-aaral sa Heidelberg ng panibago namang kurso, ang Optalmolohiya. Nais ni Jose na maging isang espesyalista sa mata sapagkat nais niyang siya na mismo ang gumamot sa karamdaman ng kanyang in asa mata at kapag siya’y nakatapos sa pag-aaral ay sisiguraduhing ang ina ang unang makikinabang sa kanyang mga pinag-aralan.
Ng mga unang araw niya sa Alemanya sa siyudad ng Heidelberg malapit sa ilog Neckar. Buhat dito’y kinakapanayam pa niya ang kanyang propesor na si Ferdinand Blumentritt sa pamamagitan ng pakikipagsulatan dito. Sumulat din siya ng tula na pinamagatang ‘A Las Flores de Heidelberg’ na tungkol naman sa bulaklak sa Heidelberg at sa Whilhelmsfeld ay natapos niya ang Noli Me Tangere.
Sa wakas ay matagumpay rin niyang natapos ang kursong Optalmolohiya sa Berlin. * Switzerland
Dahil rin sa layunin niyang malibot ang Europa o kahit ang mundo pa upang maging bihasa sa lahat ng larangang kailangan niya, nakarating din si Jose sa Genova na pinakagandang lugar naman sa Europa. * Pilipinas
Muling bumalik si Jose sa Pilipinas upang gamutin ang kanyang ina sa karamdaman nito sa mata. May katarata ang ina ni Jose kaya naman nag-aral siya ng Optalmolohiya upang ito ay operahan. Ang kanyang ina ang kanyang unang guro at hindi maitatawang makaina ito. Malaki ang pagmamahal ni Jose sa kanyang ina.
Gayundin, isa sa mga dahilan ni Jose sa kanyang pagbalik sa Pilipinas ay ang pagsaksi niya kung ano ang naging epekto sa Pilipinas ng kanyang nobelang Noli Me tangere. Nalaman niyang umani ito ng samu’t saring mga opinion mula sa kanyang mga kababayan at galit naman mula sa mga prayleng namumuno noon sa Pilipinas. Nariyan pa ngang nais pang ipagbawal ang pagpapabasa at pagpapakalat ng mga kopya ng librong ito dahil malaking sampal sa mga prayle ang librong ito. Tinalakay at inisa-isa rito ang mga katiwalian at kalupitan ng mga pari sa mga indiyong tinatawag nga nila. Tagumpay itong maituturing para kay Jose. * Estados Unidos
Hindi ganoon naging makabuluhan ang paglalakbay ni Jose sa Estados Unidos sapagkat laganap doon ang ‘Racisism’ o ang Racial Discrimination kung tawagin. Sapagkat si Jose nga ay maliit at isang Pilipino. Kaya’t inaliw na lang niya ang kanyang sarili sa pagdidiskubre ng magagandang establishimento at tanawin doon. * London
At narating naman nga ni Jose ang London. Dito ay kanyang pinag-aralan ang iba’t ibang skolar ng Pilipinas. Nakatanggap rin siya ng sangkatutak na liham mula sa mga kadalagahan sa Malolos na naghahangad na matignan ang kanilang mga kakayahan. Muling naging kasapi siya ng isang samahan na kung tawagin ay La Vision del Fray Rodriguez. * Pransiya
Isa rin ang France sa mga bansang napuntahan ni Jose. Dito naman nabuo ang kanilang samahan na kung tawagin ay Kidlat at ng lumaon ay naging Los Indios Bravos.
Lumipat nga si Jose sa Paris at nanirahan muna sa isa niyang kababayan na si Valentin Ventura at bago lumipat sa Rue de Maubergue, sa Paris din, ay ipinagpatuloy muna niya ang pagkatha ng El Filibusterismo na ang natitira ay isinulat niya sa Londres. Dito at ipinalimbag niya ang Successos de Las Islas Filipinas ni Dr. Antonio De Morga. Nilagyan rin niya ito ng mga kaukulang paliwanag upang mas mainam na maunawaan ng mga mambabasa.
Samantala, patuloy naman ang paghahanap pan g mga nalimbag na babasahin na tutuligsa sa masasamang gawain ng mga prayle. Lihim naman na binibigyan ng mga kopya ang mga Pilipino ng di malamang tao ngunit batid naman na ang limbagan ay sa Hong Kong. * Belgium
Sa Brussels ay sinimulan niya ang El Filibusterismo. Ito naman ang librong kadugtong ng Noli Me Tangere, tumutuligsa pareho sa gobyerno at sa simbahan, sa mga gahaman sa kapangyarihan at gahaman sa yaman.
Mula rin dito ay nagpadala siya ng mga kopya ng mga artikulo para sa La Solidaridad na pinamagatang Filipinas centro de cien años (kalagayan ng Pilipinas sa loob ng sandaang taon). at Sobre la indolencia de los filipinos (tungkol sa katamaran ng̃ mg̃a filipino). Isinalaysay niya sa mga ito ang mga unang nangyari sa Pilipinas, mga sumunod at mga inaasahan niyang mangyayari p asa bansa. Samantalang sa Genta ay ipinagpatuloy niya ang pagsulat ng El Filibusterismo.