Buod
May dalawang magkasintahan, si Tenyong at si Julia. Sumali sa Katipunan si Tenyong dahil pinatay ng mga Espanyol ang kanyang tatay at para ipaglaban ang kanyang inang bayan. Pinangako ni Julia na hihintayin niyang bumalik si Tenyong para sila ay magpakasal. Lumipas na ang isang taon at nagpadala si Julia ng isang sulat kay Lucas para kay Tenyong na kasalukuyan ay nasa digmaan. Nakasulat rito na namatay na ang ina ni Tenyong at malapit na siyang ikasal kay Miguel, isang manliligaw ni Julia. Nang mabasa ito ni Tenyong, ipinangako niya na gagawin niya ang lahat na makakaya niya upang mapigil ang kasal. Pagkatapos nito ay biglang sinalakay ng mga Espanyol ang kanilang kampo. Bago ang kasal, sinabi ni Lucas kay Julia na wala siyang narinig tungkol kay Tenyong. May sulat rin na dumating na sinasabing sugatan at nanganganib ang buhay ni Tenyong. Itinuloy na lamang ni Julia ang kasal sa paniniwalang patay na si Tenyong. Sa araw ng kasal ay biglang dinala si Tenyong na sugatan at malapit nang mamatay sa simbahan. Naging isteriko si Julia at inalagaan ito. Ang huling hiling daw ni Tenyong na malapit nang mamatay ay makasal kay Julia. Pumayag naman si Miguel dahil mamamatay naman na ito. Ikinasal si Julia at Tenyong. Pagkatapos nito ay tinanggal ni Tenyong ang mga bendahe niya at nakita na wala siyang sugat. Si Tenyong at Julia na ang nagsama.
Tauhan:
TENYONG – mapagmahal kay Julia, masipag, matapang, lumaban sa mga prayle
JULIA – maganda, mabait, mahinhin, mapagmahal kay Tenyong
LUCAS – malapit na kaibigan ni tenyong, nakakatawa, romantiko
PRAYLE – sakim, iniisip lang ang sarili
PUTIN - ina ni tenyong
KAPITAN INGGO - ama ni tenyong
JUANA - ina ni julia
MIGUEL – Manliligaw ni Julia, makulit, sunod sunuran sa tatay

Teknikal na Paglalapat
Ilaw – Maganda ang pagka-ilaw niya. Kitang kita ang mga tauhan at kung ano ginagawa nila.
Musika – Sakto ang mga napiling piyesa sa mga pangyayari sa kwento. Mas nakaka-engganyo panoorin.
Entablado – Maganda at malinis pero mas gugustuhin ko sana kung medyo mas malaki yung espasyo dahil may mga bahagi kung saan parang nagsisiksikan ang mga tauhan.

Personal na Komento
Para saakin, maganda ang pagkasalin nila ng lumang dula na ito. Maraming tao parin ang makakabahagi sa problema nila Tenyong at Julia na bawal na pagibig. Magaling rin ang mga napili na actor na gaganap bilang sa mga tauhan. Lahat sila ay napakahusay sa pagarte at pagkanta. Damang dama ang kasiyahan at kalungkutan sa mga kilos nila. Kung maaari lang sana sa susunod ay huwag nila masyadong laliman ang Filipino dahil may ibang mga salita na hindi ko na maintindihan dahil hindi ganun kalalaim ang aking bokabularyo sa Filipino. Pero sa lahat lahat, nagustuhan ko ang dula at gugustuhin kong panoorin ulit.